Dyddiad
Mae Comisiynydd Heddlu a Throsedd (CHTh) Gogledd Cymru, Andy Dunbobbin, wedi datgelu’r rhestr terfynol o ymgeiswyr llwyddiannus o’i Gronfa Chwaraeon yr Haf, sy’n cynnwys 26 sefydliad o bob un o chwe sir Gogledd Cymru.
Mi gafodd y gronfa ei lansio yn wreiddiol yn gynnar ym mis Mehefin, efo’r nod o annog clybiau a sefydliadau ieuenctid ymgeisio am rodd er mwyn talu am weithgareddau chwaraeon drwy gydol y gwyliau haf. Mae’r Comisiynydd wedi dyrannu £25,000 ar gyfer cynorthwyo’r prosiectau, efo’r canolbwynt o alluogi a datblygu plant a phobl ifanc, a threchu ymddygiad gwrthgymdeithasol.
Gall ymddygiad gwrthgymdeithasol gynyddu dros fisoedd yr haf, a nod y prosiect ydy diddori plant a phobl ifanc mewn ffordd gadarnhaol, drwy hyrwyddo gwaith tîm, ymarfer corff ac amgylchfyd hwyliog a chynhwysol ar gyfer pawb.
Mae’r rhestr lawn o glybiau sydd wedi derbyn rhodd gan Gronfa Chwaraeon yr Haf, enw’r prosiect a lle maen nhw’n cymryd lle, fel a ganlyn:
Ynys Môn
- Cymuned CELS, Bae Trearddur, Benllech, Bae Cemaes – Sesiynau Traeth yr Haf
- Clwb Chwaraeon Rhosneigr – Gwersyll yr Haf
- Grŵp Cymunedol Y Fali – Hwyl Cymunedol yr Haf
Conwy
- Clwb Rygbi Nant Conwy, Dyffryn Conwy – Gwersyll Rygbi’r Haf
- Tîm Pêl-droed o dan 7 Mochdre, Mochdre
- 1Compass, Hen Golwyn – Little 1s, Big1s
Sir Ddinbych
- Rygbi y Rhyl o dan 9 ac o dan 11 - Ysgol Rygbi’r Haf
Sir y Fflint
- Hamdden a Llyfrgelloedd Aura, Glannau’r Dyfrdwy – Mynediad am ddim i gyfleusterau hamdden ar gyfer pobl ifanc Haf 2024
- Cobra Life, Shotton a Bwcle – Rhaglen Crefft Ymladd yr Haf Cobra Life
- Canolfan Ddŵr Cambria, Cei Connah – “Fun for All”
- Hamdden a Llyfrgelloedd Aura, Y Fflint – Prosiect Dysgu Nofio
- Ymddiriedolaeth Gymunedol Glannau Dyfrdwy, Queensferry – Gwersyll Chwaraeon yr Haf
- Clwb Pêl-Droed Tref Bwcle – Pêl-droed cymunedol “Turn up and play”
- Clwb Criced Bwcle – Yn ysbrydoli cricedwyr ifanc
Gwynedd
- Cartrefi Adra, Caernarfon – Taith Gweithgareddau Diwedd yr Haf – Ysgol Maesincla
- CPD Bangor 1876, Bangor – Gwersyll Hwyl Pêl-droed MaesG
- CPD Pwllheli – Gwersylloedd Pêl-droed
- Coached by Cara Netball, Bangor, Hyfforddiant Pêl Rhwyd / Chwaraeon Annibynnol
- Partneriaeth Ogwen, Dyffryn Ogwen – Hwyl yr Haf Dyffryn Ogwen
- Clwb Hoci Pwllheli, Pwllheli – Hoci’r Haf yng Nghlwb Hoci Pwllheli
Wrecsam
- Maes Chwarae Antur Dyffryn Gwenfro, Wrecsam
- – Galluogi Ieuenctid drwy Futsal yr Haf, FC United Wrecsam
- Clwb Rygbi Rhos, Wrecsam – Menter Estyn yr Haf
- Palops United C.I.C., Wrecsam – Haf o hwyl a chwaraeon ar gyfer plant a phobl ifanc
- Canolfan Ceiriog, Glyn Ceiriog – Chwaraeon a Gweithgareddau Haf
Ledled Gogledd Cymru
- Tai Wales & West – Chwarae “dros dro”
Dywedodd Andy Dunbobbin, Comisiynydd Heddlu a Throsedd Gogledd Cymru: “‘Dwi wrth fy modd rhoi rhodd i glybiau a grwpiau ar draws ein rhanbarth. ‘Roeddwn yn falch iawn o’r ymateb i fy Nghronfa Chwaraeon yr Haf, ac wedi fy modloni efo’r ymroddiad sydd gan y clybiau hyn yn eu chwaraeon a’r ymgysylltiad cymunedol wnaethon nhw i gyd arddangos.
“Fel CHTh Gogledd Cymru, fy nghanolbwynt ydy helpu ein cymunedau ni, a darparu cyfleoedd ar gyfer pobl ifanc, wrth hefyd helpu lleihau’r posibilrwydd o ymddygiad gwrthgymdeithasol. Llynedd, mi wnes i lansio Cronfa Pêl-Droed yr Haf, oedd yn canolbwyntio ar bêl-droed yn unig, ac ‘roedd yn llwyddiant mawr. Eleni, ‘roeddwn yn awyddus ymestyn y cynllun i ystod fwy eang o chwaraeon, er mwyn ei wneud mor gynhwysol â phosib ar gyfer pobl ifanc.
“Mae Cronfa Chwaraeon yr Haf eleni yn ffordd ardderchog o leihau’r posibilrwydd o ymddygiad gwrthgymdeithasol, drwy roi llwyfan i glybiau a sefydliadau er mwyn cynnal gweithgareddau buddiol ar gyfer pobl ifanc, ac, o ganlyniad, yn meithrin amgylchfyd saff a chynhwysol ar gyfer pawb.
“Efo’r gwyliau haf yn cychwyn, a’r Gemau Olympaidd ym Mharis ar fin dechrau, ‘dwi’n edrych ymlaen at weld gweithgareddau cyffrous Cronfa Chwaraeon yr Haf ar y gweill dros yr haf, a gweld yr hwyl a’r llawenydd o’u canlyniad nhw er lles bobl ifanc ar draws Gogledd Cymru.”